الشيطان اصبح عاطل عن العمل

--------------------------------------------------------------------------------

حتى أبليس أصبح عاطل

ابليــــس يصـــف الوضـــع والحالـــة في البلاد





كان إبليس في غرفته , يلم هدومه وكل حاجاته

فى شنطة ...

على اتربيزة اللى جانبه كانت استقالته ممضية ومختومة حسب الروتين , وجنبها موجودة تذكرة سفر إلى جزر القمر

كانت ملامح وشه في اللحظات دى

كلها حزن, وكآبة , وإحباط , ويأس , وقلّة حيلة ...

مع دهشة غريبه اترسمت عليه من فترة كبيرة,

واعترافٍ بالعجز والفشل إبليس حيمشى ويسيب بلادنا ومش حيرجع تانى...



فليفرح المؤمنون .... على فين ؟ ليه بتلم حاجتك!!



ياراجل انا ماليش قعاد عندكم, بقالى سنين عاطل عن العمل ومش لاقى شغل وقرّبت أموت من الجوع ..







فيييين أيااام زمااااان

كنت زمان أوسوس للوحدة تسيب أبنها يعيط وهي قاعدة تحكى مع جاراتها

دلوقتى بقوا لوحدهم بيرموا عيالهم من أول ما بيتولدوا



كنت أوسوس للواحد علشان ينسى يسمّي بأسم الله قبل ما ياكل,

دلوقتى الناس مش لاقية تاكل أصلا يا راجل

دا أنا اللى أسمى إبليس... أتسمّمت من الفول والطعمية



كنت أوسوس للشاب من دوول يعاكس بنت وهى ماشية فى الشارع يقولها كلمة حلوة ,نظرة أبتسامة.

دلوقتى البنات هما اللى بيعاكسوا الشباب وبيقولو كلام أنا نفسى أتكسف أقوله !!

الواحد يسرق 100 مليون عيني عينك يسجنوه 3 سنينفى زنزانه كأنها فيلاّ عالبحر ,

وتلاقى إثنين بيدوروا فى الزبالة على حاجة ياكلوها يمسكوهم الشرطة!! ,

إنتو محتاجين إبليس إنتوا ؟؟؟؟

ده بقى عندكم فائض فى الفساد يكفّي 30 سنة قدّام,

بقيت بخاف على نفسي منكم يا بنى أدمين!!



لقيت نفسى فى الأخر بقيت مجبر أوسوس بالعكس وأقول للبيه المسئول إرحم الناس

وللحرامي كفاية حرام عليك .. خلّي شويّه للحراميّة اللي جايين بعدك..



يعني لما إنتو لوحدكم ما شاء الله بتعملو كل البلاوي دى,

أنا اللى أسمى إبليس أعمل أيه ؟

أشتغل سواق تاكسي يعني

ولاّ أفتح محل بقالة ؟